Home / Somali Language / Ipsos : Kenyan-ka Oo Doonaya Kordhinta Macalimiinta

Ipsos : Kenyan-ka Oo Doonaya Kordhinta Macalimiinta

Dowlada ayaa dadaal ugu jirta sidii ay koronto ugu heli lahayd iskuulada hoose,ardayduna u wada yeelan lahaayeen kombiyuutarada yaryar ee tablet-ka loo yaqaan.

Baadhitaan ay samaysay Ipsos ayay ku ogaatay in Kenyan-ku aanay xiiso weyn u haynin dadaalka dowladu wado oo ay ka jeclaan lahaayeen macalimiinta oo la kordhiyo.

Kenyan-ka ayaa danaynaya qoritaanka macalimiin badan,iibinta buugaagta waxbarashada iyo xaqiijinta goobaha waxbarashada.

Ipsos ayaa ra’yi ururinta ku ogaatay in 1% ay danaynayaan tablet-yada.Boqolkiiba 43 ayaa sheegay in macalimiinta wanaagsan ay dawo u yihiin qaybta waxbarashada dalka.

Sida laga soo xiganayo ururka midowga qaran ee macalimiinta (Knut) waxaa dalka haysta macalimiin yari oo ilaa 83,000 ah.

Tirada dadka Kenyan-ka ah ee danaynaya kordhinta buugaagta waxbarashada ayaa ah 20%,halka 12% ay ka doonayaan dowlada in goobaha waxbarashada oo fasaladu ay kamid yihiin la hagaajiyo.

Gobolka Waqooyi bari ayaa meelaha ugu badan ee macalimiinta laga dalbaday,iyadoo gobolkaasi ay sanadihii u dambaysay soo wajahday macalimiin yari ka dhalatay amaanka gobolkaasi.

About admin

Check Also

ISIOLO 2

Isiolo : Ms Dhulo oo Rajo ka qabta inay ku guulaysato Kursiga Senate-ka Kowntiga

Senatora-da lasoo magaacabay Fatumo Dhulo ayaa ka digaysa Raga ay la tartamayso inay adeegsadaan olole …

Leave a Reply

Your email address will not be published. Required fields are marked *